A Peneda-A Pedrada

Ruta realizada en BTT pero con algúns tramos con pistas destrozadas con tantas pedras que faise case imposible facelos na bicicleta e hai que poñer pe en terra. Noutros tramos, como nas ascensións aos cumios de A peneda e A Pedrada sinxelamente no hai pistas e o mellor é deixar a bici entre a vexetación e realizar a ascensión final a pe. Eu realicei esta ruta un luns e a verdade é que non me crucei con ningún outro ciclista nin peatón. Paisaxe desolador habitado unicamente por un montón de vacas de inmensos cornos. Paisaxe tamén abrasado polos incendios forestais, mires onde mires. Non estou seguro, pero creo as zonas altas foron antigamente un val glaciar.
Ollo!, eu fixen esta ruta en solitario pero non é nada aconsellable porque como dixen, é unha zona moi desolada pola que non pasa moita xente e de suceder calquer percance sería un grande problema porque ademais moitas zonas non teñen cobertura telefónica. Se voltara a facer esta ruta faríaa a pe, sen a bicicleta e acompañado.
Nota: a ruta está representada no sentido contrario ao que foi feita realmente