BTT O Salnés - RUTA 01 CENTRO BTT O SALNES www.turgalicia.es www.segatur.com

RUTA 01 - CIRCUITO DO MONTE ESCUSA
Ruta circular do Centro BTT O Salnés
BTT Galicia

É a máis fácil de toda a rede, comeza xunto ao aparcadoiro e ao punto de acollida e rodea o Campo de Golf.
Ao longo do seu percorrido de case 7 km pódese gozar de magníficas panorámicas, tanto das rías de Pontevedra e de Arousa como das serras do Morrazo e do Barbanza. Algúns dos tramos discorren entre bosques de piñeiros polo que é fácil encontrar cogomelos ou ver cabalos en estado semi-salvaxe pacendo entre as árbores.
Un lugar digno de parada é a área recreativa O Castro, no termo municipal de Poio, onde a beleza da contorna increméntase polas vistas do mar.
Nas proximidades da aldea da Escusa e do seu curro, no lugar de Tras do Foxo, a ruta comparte brevemente o trazado coa ruta 10.