Coordenadas 1493

Fecha de subida 15 de enero de 2018

Fecha de realización enero 2018

-
-
266 m
70 m
0
3,9
7,8
15,7 km

Vista 2209 veces, descargada 55 veces

preto de Cortegada, Galicia (España)

En Galicia, por mor da explotación hidroeléctrica dos seus ríos, son abondosas as aldeas que acabaron afogadas baixo as augas represadas dos encoros. Algunhas somerxidas para sempre no fondo das bacías, outras, as erguidas a media aba, aparecen por veces como alma en pena nos tempos de seca e temos tamén aqueloutras que, estando por riba das presas, salvaron as súas construcións, mais quedaron letalmente feridas ao desaparecer o medio de vida dos seus moradores, coma os feraces campos de cultivo dos que vivían.

No caso das aldeas de A Barca e O Vao -polas que pasaremos-, o derrube económico non foi provocado polo asologamento, máis ben o contrario. Foi debido a construción das pontes que salvan o río Miño e non ao encoro de Frieira.

Esta presa levantada no ano 1970 ten a súa cabeceira a 8 Km augas embaixo de Cortegada e cambiou radicalmente a paisaxe, sepultando casas, muíños e pesqueiras e fixo desaparecer os salmóns e lampreas que xa non puideron superar o encoro para desovar.

O noso roteiro, que encomenza no centro urbano de Cortegada de Baños, a carón da igrexa de inspiración neogótica de Santa María, levaranos polos vizosos bosques da ribeira deste Miño empresado, por angostos carreiros de pescadores, pasará polo balneario erguido en 1937 -con augas ricas en xofre e ferro-, e polas aldeas de Vilanova de Baños, A Barca, O Vao e Os Muíños.

Di un cartel a entrada de A Barca que esta aldea "foi un centro de comunicación por onde pasaba o camino real a Castela e onde cruzaban o Miño as barcas nas que se transbordaban mercadorías e persoas, de ahí o nome da poboación. Os restos de importantes casas de pedra, unha ponte feita con grandes bloques de pedra e unha fonte proban a importancia do asentamento. Superado coma centro de comunicación pola construción de pontes e os cambios nas vías, o pobo foi abandonado co tempo e quedou cuberto de vexetación e esquecemento".

O Vao, pola súa etimoloxía, debeu ser un punto no que o río permitía o paso a pé ou enriba dunha besta ou carruaxe e asemesmo rematou por esmorecer por mor das pontes.

Aconsello facer o percorrido no sentido das agullas do reloxo, andando primeiro o curto treito con menos interese para logo baixar cara ao río e seguir augas enriba pola marxe do Miño, sendo así tamén o traxecto máis doado por ser a subida máis gradual.

Ver más external

Ruinas

A Barca

Aldea abandonada no concello de Cortegada.
Picnic

Area lecer

Área recreativa preto do centro de Cortegada.
foto

Balneario

Balneario de Cortega ao carón do río Miño.
foto

Camiño 1

Camiño entre piñeiros preto do centro de Cortegada.
foto

Camiño 2

Camiño que baixa cara ao balneario.
Arquitectura religiosa

Capela

Ermida na aldea de Vilanova.
árbol

Carballeira

Bosque de carballos nas beiras do río Miño.
foto

Chanzos

Chanzos para salvar o desnivel do terreo.
Waypoint

Comezo Cortegada

Punto de inicio da ruta a carón da igrexa de Santa María de Cortegada.
foto

Corredoira

Congostra preto da aldea de A Barca.
fuente

Fonte

Fonte de auga potable en Vilanova de Baños.
foto

Fonte termal

Fonte termal ao carón do balneario de Cortegada.
árbol

Fraga

Bosque de arboreda mixta.
Arquitectura religiosa

Igrexa Santa Maria

Igrexa parroquial de Cortegada. De inspiración neogótica.
fuente

Fonte - lavadoiro

Fonte e lavadoiro na aldea de Vilanova.
Picnic

Mesas

Mesas a beira do río Miño.
panoramica

Miradoiro Coto da Pena

Miradoiro sobre o río Miño.
Ruinas

O Vao

Aldea abandonada no concello de Cortegada.
foto

Os Muiños

Aldea moi preto do centro de Cortegada.
Ruinas

Pardiñeiro

Casas en ruínas na aldea de Vilanova de A Barca.
Ponte

Pasarela 1

Pasarela de madera para salvar un pequeno rego.
Ponte

Pasarela 2

Pasarela de madeira sobre un pequeno rego afluente do MIño.
árbol

Piñeiral

Bosque de piñeiros preto do centro de Cortegada.
Ponte

Ponte do tren

Ponte do ferrocarril.
foto

Represa

Pequena presa de regadío.
Río

Rio Miño

O máis importante río galego.
Ruinas

Ruinas

Construción en ruínas preto do Miño.
foto

Sendeiro 1

Sendeiro polas beiras do río Miño.
foto

Sendeiro 2

Carreiro preto das beiras do río Miño.
foto

Sendeiro 3

Carreiro entre as aldeas de A Barca e O Vao.
foto

Vilanova de Baños

Aldea moi preto do centro de Cortegada.

Comentarios

    Si quieres, puedes o esta ruta