Tempo  6 horas 3 minutos

Coordenadas 1541

Fecha de subida 29 de septiembre de 2015

Fecha de realización septiembre 2015

-
-
228 m
-56 m
0
3,2
6,4
12,74 km

Vista 2800 veces, descargada 81 veces

preto de O Pindo, Galicia (España)

O treito litoral que se estende entre o porto de Quilmas e a punta de Caldebarcos recibe o nome de Costa da Cabra.

Nesta abrupta franxa atópanse pequenas praias coma as de Quilmas, do Pedrullo, Corna Becerra e Carballiños, testemuñas de areais entre os adoitados rochedos graníticos. A costa é perigosa, con frecuentes farallóns e por terra temos unha rasa con pequenos saíntes rochosos.

No porto de Quilmas, onde dicen que os normandos arranxaban as súas maltreitas embarcacións logo de guerrear, hai restos de antigas fábricas de salgadura e almacéns de aparellos de pesca que datan do século XIX.

Terra adentro érguese o espectacular monte Pindo, mole granítica con cumio de 627 m no pico de A Moa. Este chamado Olimpo Celta, con grande cantidade de lendas e historias, está ateigado de formacións rochosas, cada unha máis sorprendente ca outra; os bolos son ciclópeos e na zona atopáronse restos arqueolóxicos coma petróglifos e utensilios de bronce.

A nosa xeira comezará no lugar de O Pindo, a carón da súa igrexa de San Clemente, e iremos collendo altura polo vieiro acostumado que sube ao cimeiro de A Moa. A media altura viraremos a dereita, cara ao Chan das Lamas, onde permanecen antigos currais de pedra para a recollida do gando. As vistas sobre Fisterra son para pararse.

Chegados a zona de As Pardiñas, a panorámica cambea e agora albiscamos a longa praia de Carnota e por detrás dela a lagoa de San Martiño, onde remata o rego de Vadebois. Hai que deterse tamén aquí é disfrutar do fermoso cadro.

Proseguimos baixando polas abas cara o Camiño dos Costados en Panchés e de aquí avantamos hacia a Costa da Cabra. Agora os sendeiros e carrouchos perdense entre as herbas e pedras, mais non habrá problemas para acadar de novo o lugar onde comezamos, a igrexa de O Pindo.

Ver más external

panoramica

As Pardiñas

Zona no monte Pindo, situada por riba de Panchés.
foto

Bolos

Formacións graníticas no Chan das Lamas.
Waypoint

Camiño dos Costados

Vieiro que une Panchés con Caldebarcos, en Carnota.
foto

Chan das Lamas

Planalto nas abas do monte Pindo e con fantásticas vistas sobre o macizo granítico.
Praia

Coidio

Praia de pequenos bolos graníticos, entre a praia de Carballiños e a desembocadura do rego dos Muíños.
Waypoint

Comezo Pindo

Punto de inicio do noso roteiro ao carón da igrexa de San Clemente de O Pindo.
foto

Corredoira

Camiño que leva as antigas leiras de Panchés.
foto

Curral 1

Valado en pedra para o peche do gando.
foto

Curral 2

Peche de pedra para o gando, no Chan das Lamas.
Waypoint

Desvio Pindo

Punto no que abandonamos o roteiro de subida ao cumio de A Moa, virando nós a dereita.
foto

Farallons

Afloramentos rochosos no litoral da Costa da Cabra.
fuente

Fonte

Fonte de auga potable en Panchés.
Arquitectura religiosa

Igrexa San Clemente

Igrexa parroquial da freguesía de O Pindo, Carnota.
Lago

Lagoa

Lagoa de auga doce no porto de Quilmas.
foto

Leiras

Leiras en estado de abandono no litoral de Panchés.
foto

Litoral

Litoral da Costa de Cabra, entre Quilmas e Caldebarcos.
Picnic

Mesas

Mesas situadas preto do Chan das Lamas, con maravillosas vistas sobre a costa.
Ruinas

Muiño

Muíño na desembocadura do rego dos Muíños.
foto

Panchés

Lugar da parroquia de San Mamede de Carnota.
foto

Penedos 1

Formacións graníticas na subida ao monte Pindo.
foto

Penedos 2

Formacións graníticas na subida ao cumio de A Moa.
foto

Penedos 3

Formacións graníticas na zona de As Pardiñas, no monte Pindo.
Waypoint

Piscifactoria

Piscifactoría de rodaballo preto do porto de Quilmas.
Praia

Praia Corna Becerra

Pequena praia na Costa da Cabra.
Praia

Praia de Quilmas

Areal no porto de Quilmas.
Praia

Praia dos Carballiños

Pequeno areal na Costa da Cabra.
Río

Rego

Pequeno arroio que desemboca na Costa da Cabra.
Río

Rego dos Muiños

Arroio que ten o seu nacedeiro no Chan das Lamas e desemboca na Costa da Cabra.
Río

Rego Fonte Salgueiriño

Arroio que baixa cara o lugar de O Pindo.
Río

Rego Muiños

Arroio que nace no Chan das Lamas e verte as súas augas na Costa da Cabra.
Ruinas

Ruinas casas

Casas en ruinas no lugar de O Pindo.
panoramica

Vistas Fisterra

Fermosas vistas panorámicas sobre Fisterra.
panoramica

Vistas praia Carnota

Espectaculares vistas panorámicas sobre o longo areal de Carnota, Boca do Río e Poza de San Martiño.

Comentarios

    Si quieres, puedes o esta ruta