Allariz circular Sur 17 km

Coincide esta andaina prácticamente con unha das tres etapas en que se divide a de 50 km que ven organizando o Concello de Allariz nos últimos anos. Está perfectamente sinalizada en todo o seu traxecto e, aínda que boa parte é de subida, dá moi bo andar, sen grandes pendentes . Ideal para días de calor posto que transcorre case toda por camiños antigos e sombreados, de gran beleza, coas marcas das rodeiras dos carros, todo por bosques de carballo, moi bren coidados. Da gusto saír a camiñar por estas terras alaricanas, non ves eucaliptos por ningún sitio, xente facendo os roteiros, aldeas algunas reconstruídas e outras case que abandoadas pero sen rastro do feísmo típico doutros sitios. A andaina comeza a carón do Arnoia, xunto ao parque da Exposición Internacional de Xardíns e segue os primeiros km a pé do río, para despoís virar monte arriba e chegar ata a aldea de Quintas de San Trocado. Espectacular esta aldea, do mellor da etapa, pola súa arquitectura tradicional, moi ben conservada. Continúa polos camiños de monte , pasando por San Martín de Pazo, Penamá e San Salvador dos Penedos, outra aldea rehabilitada donde a Fundación Andrea ten una gandería de burros para usos terapéuticos. Pásase por Paicordeiro e Roimelo antes de volver ao casco vello de Allariz.