Ancares 14: Faial de Pintinidoira

Ruta tomada de Juanfotosenderos.

A ruta é moi fermosa e ten moi poucas dificultades técnicas inda que algunha subida forte. Empeza no límite entre os concellos de As Nogais e Cervantes pero transcurre por completo neste último.

Sae desde o pobo de Pintinidoira e baixa ata Riamonte de Abaixo. Continúa ata Santa Mariña. Entre os dous pobos o camiño pode estar dificultado con silvas, pero de momento vaise pasando. Tamén pode haber un par de cordas para tornar as vacas, crúzanse sen problemas. Continúa por As Covas e chega a Vilaspasantes.

Neste pobo hai varias opcións:
1.A de Juanfotosenderos: Xusto despois da igrexa xira á esquerda, cruza a estrada e sube por unha senda que pode estar moi enlamada e que na parte de arriba podería estar dificultada por vexetación. É a máis curta e con máis pendente. (500-600 m desde a igrexa)
2. A que vén neste track: Segue ata a estrada como na anterior pero non a deixa senón que continúa ata un cruce e alí xira á esquerda por unha pista ancha ata enlazar coa anterior. Moito máis longa pero sen dificultade e con menos pendente. (1600 m desde a igrexa)
3. A que recomendaría eu: Ao chegar á igrexa, continuar de fronte e saír ao cruce onde enlaza coa anterior, aforra a pendente de saída do pobo das outras dúas. (uns 1200 m desde a igrexa)

Despois de Vilaspasante a ruta xa non ten dificultade ata chegar ao faial, non moi grande pero interesante de ver. Dentro do faial, o camiño que se toma xirando bruscamente á dereita pode estar dificultado por vexetación pero son só 400 m.

A parte final coincide coa ida.

Para chegar ao pobo de Pintinidoira, en Pedrafita do Cebreiro seguir os sinais co nome do pobo.

Outras rutas de Ancares:
1 De Piornedo a Pico Lanza por Vilarello,
2 Tres Bispos,Trapa,Brego e Cabanavella,
3 De Piornedo a Suárbol por Acevais
4 Circular Porto Ancares-Miravalles-Balouta
5 Circular Burbia-Vedual
6 Os tres cumes de Lugo
7 Da ponte de Vales a Brego
8 Club Ancares a Cela por Deva
9 Campa da Braña-Fieiró-Robledo
10 De Piornedo a Suárbol polo Chao Grande
11 A parroquia de Donís
12 Pereda-Miravalles-Pereda
13 Circular Campa da Braña a Piornedo
14 Faial de Pintinidoira
15 Degrada, Cela, Pando, Cabanas Antigas
16 Piornedo, Donís, Xantes e Vilarello