BRIÓN - RUTA 3 (Añil): Vidaloiso - Os Ánxeles

Un fabuloso roteiro cheo de encanto que che permitirá descubrir parte da riqueza patrimonial e paisaxística do concello de Brión.
Ruta circular duns 11 kms de distancia e dificultade baixa ao discorrer toda ela polas terras do Val da Mahía.
Incluímos (ó comezo e o final do percorrido), un paseo por Vidaloiso, aldea con elementos singulares e paisaxísticos que merecen a pena ver (cruceiro, pombal, obradoiro de pedra, lavadoiro, arbores de grande porte coma carballos, sequoia, robinias...)
Nesta ruta cabe destacar ademais, a ribeira do Sar con vexetación abundante, con presenza de aves moi variadas (garzas, bubelas, gaios, corvos, patos...e distintos paseriformes) a zona do balneario (cun carballo singular), a ermida da Nosa señora de Guadalupe, a Igrexa da Nosa Señora dos Ánxeles co cemiterio incluído; e tamén o longo do percorrido poderemos ver lavadoiros, fontes , campos, cruceiros e hórreos das aldeas, ademais de fermosos xardíns e numerosas parras.

Agardamoste!!!