Coordenadas 3800

Fecha de subida 21 de septiembre de 2018

Fecha de realización septiembre 2018

-
-
183 m
6 m
0
6,4
13
25,49 km

Vista 163 veces, descargada 2 veces

preto de Barizo, Galicia (España)



O primeiro que queremos resaltar é o agradecemento á ASOCIACIÓN CAMIÑO DOS FAROS, por darnos a oportunidade de, grazas a eles, poder realizar estas oito marabillosas rutas. 

Nós ímolas realizar circulares, iso si, sen deixar un só tramo orixinal sen percorrer.

Esta segunda iniciámola no Porto de Barizo con unha subida complicada, o carreiro atópase polo medio de rochas.

Ata Punta Nariga temos tres quilómetros de sendeiros con moitas pendentes que nos esixen esforzos adicionais, compensado sempre coas fermosas vistas.

Agora toca deleitarnos no Faro de Punta Nariga, construído en 1995 e deseñado por César Portela, inaugurado no ano 1977.

Despois de Punta Nariga temos sendeiros preto dos cantís, pasando por Punta do Rubio, ata chegar a Enseada do Lago. Dende aquí o sendeiro é de terra ata que chegamos a Niñón, onde finaliza a primeira etapa do Camiño dos Faros.

Nós imos continuar pasando polo Porto de Santa Mariña ata a Enseada da Barda en cuxas praias de Area Grande e Pequena facemos o desvío que nos levará de volta ao punto de inicio no Porto de Barizo.

Por este tramo que foi debuxado no mapa antes de facelo, atopamos bastante asfalto, tamén procuramos facelo por camiños interiores, aínda que cando o fixemos, algúns deles estaban en bastante mal estado.

Pasamos polo Monte Faro onde se atopa a capela da Nosa Señora do Faro, onde figura o monumento ao Sagrado Corazón de Jesús, unha torre de 39 metros de altura e 133 banzos. Se damos subido, podemos contemplar impresionantes vistas de este tramo da Costa da Morte.

Pasamos por Brantuas, Asalo e Mens. No lugar de As Torres pertencente a esta última parroquia de Mens, xantamos no Bar Secundino, atendidos marabillosamente ben por Lola, a súa filla e o seu xenro.

Agora pola tarde só nos quedan uns tres quilómetros ata o Porto de Barizo onde deixamos o coche pola mañá.

Tempo en movemento: 6 horas 35 minutos con unha media de 3,9 quilómetros hora.
N43.29781° W8.86624°

Comentarios

    Si quieres, puedes o esta ruta