Carreiro Castro Cotos-Carnoedo-Fontán-Tarabelo

Comeza o roteiro no lugar do Tarabelo, en Sada, pasa polo castro dos Cotos cara a Taibó e Carnoedo. Baixa ata a igrexa de San Andrés de Carnoedo e logo dunha pequena costa descende de novo ata a beiramar continuando pola Praia dos Lobos, Arnela e Morazón ata Fontán, deixando á esquerda o castelo. Camiñando a carón das mariñas e pantaláns chegamos ata Sada para voltar pola Chaburra (pódese facer un desvío ata o castro do Quenlle en Sadadarriba) e a Serra ao Tarabelo de Arriba. O tramo costeiro é coincidente co roteiro Mariñán Costa Doce. Só está sinalizado o tramo do Roteiro Mariñán Costa Doce.