Circular polo Monte do Ceo en A Lama

Esta ruta iniciámola no Santuario onde se celebra a romaría do Santo Cristo de Xende. A continuación facemos unha longa subida, pasando pola capela da Nosa Señora das Ermidas, que nos leva ata o parque eólico do monte do Ceo, altitude máxima da ruta, 648m. Dende aquí iniciamos unha baixada ata o lugar de Forzáns, onde na churrasquería “A Lareira” repoñemos forzas con un bo xantar. Pola tarde facemos o que nos queda ata o lugar de saída.
Esta ruta percorre por pistas forestais, algún que outro camiño e tamén uns catro quilómetros de asfalto, que a maioría facémolo pola tarde, dende onde cruzamos a ruta dos arrieiros ata o inicio.
Tamén nos cruzamos cos ríos Xesta, Oitavén e Verdugo con abundantes mananciais que levan polas augas caídas durante estes últimos días.
En torno ao Santuario, existe un bonito conxunto monumental e paisaxístico, onde destacamos dous petos de ánimas, dos moitos que atopamos no percorrido, e un Vía Crucis de pedra, que vai dende unha gruta ata a Igrexa, subindo por unhas escaleiras de pedra, hoxe en día un pouco deterioradas.
Nas seguintes páxinas web, temos amplia información sobre o Santuario.
Turismo Enxebre e Galicia Máxica