Tempo  9 horas 12 minutos

Coordenadas 2899

Fecha de subida 12 de mayo de 2012

Fecha de realización mayo 2012

-
-
515 m
0 m
0
6,8
14
27,24 km

Vista 1852 veces, descargada 14 veces

preto de Devesos, Galicia (España)

O Camiño dos Arrieiros ou Camiño Grande discorre ao longo duns 50 kms., unindo As Pontes co coído de Bares. Este camiño tense empregado dende a Prehistoria como vía de intercambio comercial, constituíndo unha das rotas principais de comunicación entre os pobos do noroeste peninsular, das Illas Británicas e da península Armoricán. A vía recibe o nome dos chamados arrieiros, que durante séculos transportaron todo tipo de mercadorías ao lombo de mulas e cabalos.

Nesta ocasión a Plataforma en Defensa do Patrimonio das Pontes, realizou o segundo e derradeiro treito duns 25 kms., a través dos concellos de Mañón e Ortigueira, finalizando no histórico porto de Bares. Rematando cunha merenda no bar Muller Mariña e facendo unha visita ao antigo semáforo de Estaca de Bares, hoxe hotel, o punto máis septentrional da península Ibérica e lugar onde se mesturan as augas do Océano Atlántico coas do Mar Cantábrico.

O porto de Bares aparece citado por primeira vez o ano 916 nun documento do rei Ordoño II, quen concedeu o señorío da Vila de Bares e un monasterio sito na parroquia de Mogor ao bispo de Mondoñedo Sabarico II. Pero a súa existencia como vila e como porto remóntase a moitos séculos antes. Atopáronse moedas fenicias, tégulas, ánforas e unha necrópole romana. Todo iso, así como o peirao prerromano, fai supoñer que foi este un lugar de gran importancia demográfica e comercial.

Ver más external

Comentarios

    Si quieres, puedes o esta ruta