De Teo á Burga de Xermeade pasando pola devesa de Agromaior.

Ruta lineal que iniciamos na igrexa de Santa María de Teo e que finaliza na Burga de Xermeade, onde podemos enlazar coa Ruta do Apego que nos levará pola beira do Ulla ata Pontevea, onde podemos tomar un novo sendeiro que nos permite chegar ata a área recreativa do Xirimbao. (Tracks destas rutas neste perfil de Wikiloc).
. Iniciaremos a nosa andaina na Igrexa de Santa María de Teo e camiñaremos xunto a fontes, mananciais e lavadoiros ( A fonte de Santa Lucía, a fonte da Raña, A Burga de aguas minero-medicinais de Xermeade, a fonte e lavadoiro de Agromaior), os petróglifos de Mallos, muíños, pesqueiras e incluso un pequeno mirador, xa preto da Burga de Xermeade, que nos deixa unha fermosa panorámica do río Ulla desde o alto.
Trátase dunha senda que atravesa espazos naturais protexidos como a carballeira de Agromaior e a bacía do río Ulla, incluída na rede natura 2000.