Deposito de auga de Teixeira - Canteixeira - Balboa (carreiros.es)

10ª etapa da Mirada Circular (O camiño das Pallozas): Dende o depósito de auga de Teixeira ata Balboa. Esta rota transcorre case na súa totalidade pola pista forestal que nomeamos na rota anterior, ata a entrada a Cantexeira. Posiblemente ten unha vistas espectaculares e ademais temos a certeza que conta cunha importante fonte de 5 canos co mesmo número de augas distintas, todas elas medicinais; pero o día que realizamos nós a rota nevaba e xistraba en abundancia, o que nos impediu poder vela (a pesar de que se atopa preto do camiño), a cambio desfrutamos dunha paisaxe única, con todo o monte debuxado en branco. Xa en Cantexeira pódese facer un descanso na Palloza (reconvertida en restaurante) antes de continuar ata Balboa, nesta ocasión por un camiño ao lado do río e polo medio dos campos dos veciños (co conseguinte enfado por parte deles, naturalmente "pedir permiso" ). (Yeyi)