Descargar

Distancia

13,88 km

Desnivel positivo

655 m

Dificultade técnica

Fácil

Desnivel negativo

655 m

Altitud máxima

635 m

Trailrank

61 4,3

Altitud mínima

22 m

Trail type

Circular

Tempo

4 horas 41 minutos

Coordenadas

1962

Fecha de subida

28 de octubre de 2016

Fecha de realización

junio 2016
  • Valoración

     
  • Información

     
  • Fácil de seguir

     
  • Entorno

     

Crea tus Listas de Rutas

Organiza las rutas que te gustan en listas y compártelas con tus amigos.

Pásate a Wikiloc Premium Pásate a Premium para eliminar los anuncios
Crea tus Listas de Rutas Crea tus Listas de Rutas
Sé el primero en aplaudir
2 comentarios
 
Compartir
-
-
635 m
22 m
13,88 km

Vista 1018 veces, descargada 36 veces

preto de Domaio, Galicia (España)

Ruta circular pola parroquia moañesa de Domaio. O comezo da ruta, moi perto de onde o rego da Freixa verte as augas na ría, está bastante pechado pola vexetación. Pero se afastamos unhas cantas pólas, axiña estamos nun camiño bastante limpo na marxe dereita do río (marxe esquerda no sentido da ruta). O inicio é pouco vistoso pero pouco despois de cruzar a estrada e deixar un moi breve tramo de asfalto, atopamos a típica ruta de río con bastantes muíños, algúns deles restaurados.
Percorrido quilómetro e medio temos que pasar baixo o corredor do Morrazo, en obras para o converter en autovía cando nós fixemos a ruta. Os desterros das obras obrigáronnos a dar unha pequena volta para dar coa continuación da nosa senda. Ao pouco chegamos a unha fermosa fervenza.
Deixamos o río e, ao saírmos á estrada, deixamos á nosa esquerda unha urbanización inacabada. O paseo non é moi atractivo até que comecemos a coller bastante altitude e poidamos gozar coas vistas. Pouco despois do km 4 a vista sobre a ría de Vigo xa é espectacular.
Sobre o km 6 temos unha fonte na que podemos abastecernos de auga e medio quilómetros despois xa estamos no cumio do monte Faro, coas súa enormes antenas de comunicacións. A vista completa sobre a ría é fabulosa e subindo ao cumio, pasando xunta as cercas que redean as antenas, saúdanos a ría de Pontevedra, coa illa de Ons fronte a nós.
Iniciamos o descenso e en menos dun quilómetro estamos na área de esparexemento de Chan de Arquiña, co seu dolmen escavado e ben conservado. Uns catro mil anos de historia diante dos nosos ollos, un dolmen de cámara poligonal composta por once pedras verticais e un corredor, formado por cinco pedras verticais. Como a maioría das mámoas, a entrada oriéntase ao leste, á saída do sol.
Dende aquí podemos desviarnos da ruta e ascender ao monte Gagán (pronunciado Ghaghán pola xente, castelanizado absurdamente en Jaján e regaleguizado moi erroneamente como Xaxán, como algunhas Regas que por este mesmo "proceso" acabaron en topónimos "Rexas", velaí o de Priegue, Nigrán). Mais nós continuamos descendendo e en pouco máis de 2,5 km, con algún tramo inevitable de asfalto, damos cos límites do campo de golf. O rego Miñouva aprovéitano para este campo e é o mesmo rego que forma a fermosa e mítica poza da Moura.
A poza da Moura, que haberá que ver se queda afectada polo desdobramento do corredor do Morrazo (a fervenza que se forma despois da poza está mesmo ao pé da estrada, á beira do arranque dun viaducto), amósasenos como un aténtico jacuzzi natural e dende aquí temos unha vista ben fermosa sobre a ría, principalmente cara ao estreito de Rande.
Unha das versións da lenda da poza é esta: "Conta a lenda que en Domaio vivía un mouro moi rico que tiña unha filla de gran beleza. Esta moza víase ás agachadas na poza da Moura cun campesiño da zona co que o pai lle prohibira mocear. A moura desoía as ordes do pai pero un día este sorprendeunos. O pai, furioso, deulle morte ao mozo, e a filla, desesperada de dor, guindouse á Poza da Moura na que se afogou. En lembranza do acontecido é polo que se lle chama a poza da Moura e hai quen di que na noite da san Xoán a moza aparece peiteando os seus cabelos e que, ás veces, se lle escoita cantar".
A nosa mitoloxía está inzada de mouros e mouras, de tempo precristián e que nada teñen que ver co mundo musulmán. Habitantes primitivos que convivían cos nosos devanceiros. Algunha variante da lenda mesmo nos fala de que o mouro chegara a Domaio dende santa Trega, de onde marchou fuxindo da expedición romana de Décimo Xunio Bruto, e mesmo engade que o peite de ouro quedou no fondo da poza.
Tras deixar a poza atopamos un fermoso muíño, que nos ofrece unha vista aínda mellor. De aquí á fin da ruta preséntanse diversas alternativas para chegar de novo a zona portuaria de Domaio.
Río

Rego da Freixa

  • Foto de Rego da Freixa
  • Foto de Rego da Freixa
  • Foto de Rego da Freixa
Rego da Freixa e carballo
Ponte

Ponte

  • Foto de Ponte
Ponte
Punto de información

Plano Domaio

Panel cun plano da parroquia de Domaio
Waypoint

Restos muíño Panasco

Ponte

Pontella de madeira

  • Foto de Pontella de madeira
Pontella de madeira
Waypoint

Muíño dos Avisoiros

  • Foto de Muíño dos Avisoiros
  • Foto de Muíño dos Avisoiros
Muíño dos Avisoiros
Waypoint

Muíño da Ponte

Waypoint

Ponte e muíño. Obras na estrada

  • Foto de Ponte e muíño. Obras na estrada
Ponte e muíño. Zona de obras na estrada no verán de 2016, ampliación do corredor do Morrazo que confiemos en que respecte os pasos desta ruta.
Fervenza

Ponte e fervenza

  • Foto de Ponte e fervenza
  • Foto de Ponte e fervenza
  • Foto de Ponte e fervenza
Ponte e fervenza no rego da Freixa
Waypoint

Muíño do Cambeiro

  • Foto de Muíño do Cambeiro
Muíño do Cambeiro
Waypoint

Muíño do Pozo. Fervenza

  • Foto de Muíño do Pozo. Fervenza
  • Foto de Muíño do Pozo. Fervenza
  • Foto de Muíño do Pozo. Fervenza
  • Foto de Muíño do Pozo. Fervenza
Muíño do Pozo. Fervenza
Panoramica

Panorama ría de Vigo

  • Foto de Panorama ría de Vigo
  • Foto de Panorama ría de Vigo
  • Foto de Panorama ría de Vigo
  • Foto de Panorama ría de Vigo
  • Foto de Panorama ría de Vigo
Panorama ría de Vigo
Fuente

Fonte con placa Montañeiros Celtas

Cima

Monte Faro. Vista ría de Vigo e ría de Pontevedra

  • Foto de Monte Faro. Vista ría de Vigo e ría de Pontevedra
  • Foto de Monte Faro. Vista ría de Vigo e ría de Pontevedra
  • Foto de Monte Faro. Vista ría de Vigo e ría de Pontevedra
  • Foto de Monte Faro. Vista ría de Vigo e ría de Pontevedra
  • Foto de Monte Faro. Vista ría de Vigo e ría de Pontevedra
Monte Faro. Vista ría de Vigo e ría de Pontevedra
Sitio arqueolóxico

Chan da Arquiña

  • Foto de Chan da Arquiña
Chan da Arquiña. Mámoa
Waypoint

Poza da Moura

  • Foto de Poza da Moura
  • Foto de Poza da Moura
  • Foto de Poza da Moura
  • Foto de Poza da Moura
  • Foto de Poza da Moura
  • Foto de Poza da Moura
Poza da Moura

2 comentarios

  • Foto de Manuel Novas Casal

    Manuel Novas Casal 28 feb 2020

    He realizado esta ruta  verificado  Ver más

    Buena ruta y bien marcada en el track! Aunque en algunas zonas tuvimos que improvisar debido a la maleza o al barro, la disfrutamos!

  • Foto de Xoanzinho

    Xoanzinho 28 feb 2020

    Graciñas polo comentario e pola valoración, Manuel. Alédome de que vos gustase.

Si quieres, puedes o esta ruta