Fragas do río Uma

Ao facer este sendeiro vós sorprenderá atoparos coas vizosas fragas que hai pola beiras do río Uma, non só os típicos bosques lineais de galería arredor dos cursos de auga, senón tamén con bosquetes aíllados. Nestas fragas predominan os carballos, habendo asemesmo algúns castiñeiros e piñeiros, mentras que arredor do río hai maior presenza de amieiros, salgueiros e freixos.

Como curiosidade comento que o termo fraga orixinariamente facía mención a unha zona escarpada, de superficie irregular e con abondosos desniveis do terreo e que derivou hoxe co significado de bosque mixto, con varias especies arbóreas.

O noso roteiro é circular, transcorrendo polos concellos de Ponteareas e Salvaterra de Miño, podéndose comezar na Casa da Cultura de San Mateo de Oliveira e vai durante a metade do percorrido polas marxes do Uma, río que ten o seu nacedoiro na parroquia ponteareana homónima e que logo de 8,5 Km verte as súas augas no Tea, a altura de Angoares. O treito final do Uma está incluído dentro da zona de especial protección do Tea.