N-559 á Franqueira, polo Xabriña e aldeas do Covelo.

Ruta aproveitando parte do trazado da do Xabriña e outros camiños e pistas. Conveniente, pois, GPS para seguila. Os camiños están limpos. Gran parte dela decorre en sombra, a cuberto da frondosa arboreda dos arredores do río e touzas.
Feita a partir desta: https://gl.wikiloc.com/rutas-sendeirismo/camino-da-franqueira-pr-g-119-ruta-do-xabrina-covelo-2016032 aínda que iniciando na estrada N-559 e non en Paraños para acurtala un pouco e quitar algo de subida/baixada.
Atravesa varias aldeas (A Lamosa, Corzós, Prado da Canda, A Franqueira...). Nelas podemos mirar diversos elementos interesantes tanto de aquitectura coma de mérito etnográfico, coma as eiras da cera. Mención especial para a igrexa da Franqueira, de estilo románico xa serodio polo que con elementos xa góticos. A igrexa é o que queda dun antigo mosteiro do século XIII.
Ruta moi recomendable con certo grao de dureza polo desnivel acumulado, mais doada de camiñar por calquera cunha capacidade física mediana.