Tempo  4 horas 20 minutos

Coordenadas 1251

Fecha de subida 11 de marzo de 2019

Fecha de realización septiembre 2018

  • Valoración

     
  • Información

     
  • Fácil de seguir

     
  • Entorno

     
-
-
104 m
1 m
0
3,0
6,0
11,93 km

Vista 79 veces, descargada 2 veces

preto de Montalvo, Galicia (España)

Ruta realizada a finais de setembro

Tras percorrer a metade norte da illa na tarde anterior rodeados pola néboa polos catro puntos cardinais ( https://gl.wikiloc.com/rutas-sendeirismo/perimetrando-a-illa-de-ons-norte-34033333), esperabamos que nos sorprendese unha espléndida mañá azul... esperanza va... a néboa non pechaba a illa totalmente cara ao leste, mais logo cara ao sur foi o mesmo conto.

Tras almorzar pola zona do peirao botamos a andar cara ao sur polo camiño que vai bordeando a Area dos Cans para logo baixar á area na praia de Canexol (1 km). Camiñamos pola area go polas rochas, algo esvaradías, atravesando a punta Malaxa até chegar á praia do Pereiro, despois da que deixamos o borde litoral e fomos ascendendo até un lavadoiro próximo ao desvío para o campamento xuvenil da Xunta.

Seguindo a pista chegamos, a 3,1 km do inicio, ao desvío cara ao famoso miradoiro de Fedorentos, situado a uns 200 metros do desvío. Alí onde debiamos atopar en primeiro termo a illa de Onza, nin os cantís máis próximos eramos quen de enxergar. Por suposto, nada de gozar coa panorámica desta zona das Rías Baixas: a punta de Couso, o facho de Donón, Monteferro, cabo Silleiro... esta é a orde na que debiamos velos, pero a néboa limitouse a convidarnos a volver outro día.

Retomamos o camiño rodeando a enseada de Fedorento. Dado o día que tiñamos, prescindimos de descender á punta do Rabo da Egua. Seguimos pola pista até o desvío á esquerda cara ao Burato do Inferno (km 3,8), con seguridade o punto máis visitado polos camiñantes que arriban á illa. Aínda que a vista cara ao Atlántico é inexistente con este día, polo menos podemos gozar das rompentes dos baixos desta zona, da inmensa forza coa que o mar “agarima” esta costa.

Logo dunha parada ben demorada nestas pedras, seguimos rodeando a illa até pasarmos por riba da enseada de Caniveliñas (aproximdamente km 6). Cara á fin da enseada damos co que semella unha baixada de acceso, mais o camiño está cortado ao pouco. Imos ascendendo até o Chan da Pólvora, pasamos ao lado do camping (desvío 7,5 km) e, vendo que a néboa non remite polo litoral oeste, acordamos aproveitar que temos tempo por diante para achegarnos á praia de Melide a comer o noso bocata, posto que na cara leste da illa fora abrindo o día e podemos aproveitar, por fin, algo de sol.

Dende a praia de Melide regresamos cara ao peirao directamente pola pista. O ano que vén toca volver para ver se hai máis sorte e a néboa marcha para outros lares...
Praia

Praia de Canexol

Praia de Canexol
Waypoint

Punta da Malaxa

Punta da Malaxa
Praia

Praia do Pereiro (cala)

Praia do Pereiro (cala)
Waypoint

Lavadoiro

Panoramica

Miradoiro de Fedorentos

Miradoiro de Fedorentos
Waypoint

Burato do Inferno

Waypoint

Camiño cortado

Praia

Praia de Melide

Praia de Melide
Punto de información

Centro de visitantes

Waypoint

Faro de Ons

1 comentario

  • Foto de ciriIII

    ciriIII 07-jun-2020

    He realizado esta ruta  ver detalle

    👌boa xente

Si quieres, puedes o esta ruta