Tempo  2 horas 38 minutos

Coordenadas 1691

Fecha de subida 30 de noviembre de 2018

Fecha de realización junio 2018

  • Valoración

     
  • Información

     
  • Fácil de seguir

     
  • Entorno

     
-
-
767 m
596 m
0
2,1
4,3
8,56 km

Vista 294 veces, descargada 22 veces

preto de Vilarinho das Furnas, Braga (Portugal)

Fermosa ruta que parte de Portela do Home e que segue na parte inicial do percorrido un treito da Vía Nova romana, ou vía XVIII do itinerario de Antonino, que unía Braga e Astorga. En Portela do Home, no punto de partida e onda o panel indicador, atópanse os restos dos miliarios que marcaban a milla XXXIV. A ruta coincide con esta vía, coñecida neste tramo como “A Geira”, até pouco despois da milla XXXII. Sobre esta vía pódese consultar http://www.viatorimperi.com/vianova/.

Saímos nunha mañá chuviosa de Portela do Home por unha senda rodeada dunha exuberante vexetación e pola que xa corría algún rego pola abundante chuvia deses días. Aproximadamente nun quilómetro xa estabamos á beira do río Homem e atravesando a primeira das sete pontes que imos cruzar hoxe (cinco no propio río Homem, unha no río de Maceira, afluente do anterior, e unha última ponte sobre outro rego que deita a súa auga xa case directamente no encoro de Vilarinho das Furnas).

Practicamente no segundo quilómetro da ruta cruzamos catro pontes (a última deste grupo sobre o río Maceira, que verte a auga no Homem dende o leste). A case 1,5 km do inicio atopamos os miliarios que indican a milla XXXIII, no lugar chamado Ponte Feia. As caídas de auga na seguinte ponte son realmente espectaculares (ademais das fotos, tedes un vídeo gravado co móbil sobre a marcha en: https://www.youtube.com/watch?v=2WODJWXw4mE/).

Aproximadamente no quilómetro 3,5 da ruta están os miliarios da milla XXXII, na Volta do Covo. Douscentos metros máis adiante deixamos a Vía Nova e desviámonos á dereita para achegarnos a última das pontes sobre o río Homem, pouco antes de que o río deixe de correr e descanse no encoro de Vilarinho das Furnas. As formas en que a auga esculpiu a pedra nas proximidades desta ponte son dignas de ver.

Case un quilómetro despois desta última ponte damos cunha pontella sobre un rego e o camiño vai ascendendo amodo, entre bosque frondoso, até levarnos a unha pedra que ben fai funcións de miradoiro sobre o río Homem e sobre o encoro de Vilarinho das Furnas (km 5,5). Neste último treito e mais nos seguintes 1,3 km a vexetación, os arbustos pechan bastante o camiño. Non o fan incómodo, hai bo sitio para avanzar sen problemas, pero co mollado que estaba todo pola chuvia a auga escorregábanos polos pantalóns cara abaixo até entrar nas botas pola parte superior dos calcetíns (de sermos previsores teriamos levado perneiras, pero non foi o caso, queda o consello para quen faga a ruta en días chuviosos). O camiño lévanos de volta á terceira das pontes (a das caídas de auga espectaculares): un chisco antes de chegarmos á ponte hai un desvío á esquerda que permite pasar por unha garita de vixilancia e evitar completar o retorno polo mesmo camiño, pero a nosa molladura era de tal entidade que preferimos volver “pola vía rápida”. Algún comentario que teño lido sobre o treito que non fixemos tampouco non convida demasiado a realizalo.

E de aí ao punto de partida, a mudar a roupa e a tomar un bo chuletón en Lobios...
Waypoint

Portela do Homem. Milla XXXII Vía Nova

Milla XXXII Vía Nova
Ponte

Ponte río Homem

Ponte

Ponte río Homem

Sitio arqueolóxico

Miliarios. Milla XXXIII Vía Nova

Lugar: Ponte Feia
Ponte

Ponte río Homem

Intersección

Desvío

Ponte

Ponte río Homem

Ponte

Ponte río da Maceira

Sitio arqueolóxico

Miliarios. Milla XXXII Vía Nova

Lugar: Volta do Covo
Ponte

Ponte río Homem

Ponte

Ponte

Ponte de madeira sobre un rego que deita a auga directamente no encoro de Vilarinho das Furnas
panoramica

Pedra miradoiro

2 comentarios

  • Porpedro 16-jun-2019

    He realizado esta ruta  verificado  ver detalle

    Trilho muito bonito. Tinha muita vegetação serrada após a sexta ponte durante alguns kms.

  • Foto de Xoanzinho

    Xoanzinho 22-jun-2019

    Obrigado, Porpedro. Com certeza, é um trilho bonito. Essa parte com moita vegetaçao pode ser muito molesta se está molhada pela chuva.

Si quieres, puedes o esta ruta