-
-
996 m
588 m
0
2,5
5,0
10,05 km

Vista 1569 veces, descargada 46 veces

preto de Teijo, Asturias (España)

Venres, 03 de abril de 2015. Subida ao monte Ouroso, o cume do Concello de Taramundi.
Despois de realizar a Ruta de Ferrocarril, aproveitamos para desprazarnos ata o pintoresco pobo de Teixo, pertencente á parroquia de Bres (Taramundi). Iniciamos ruta dende o antigo edificio da escola, convertido en albergue. Suba de dificultade baixa con magníficas vistas panorámicas da bisbarra. Correspóndese coa PR.AS-102, perfectamente sinalizada de ida e volta, sen posibilidade de perda. Ruta para todos.
Camiñamos entre pasteiros, piñeirais e breixos. Un paraíso para gozar. Á dereita pódese ver o fermoso pobo de Santa Mariña e á nosa esquerda o cumio Busnovo, ao outro lado do outeiro de Teixo e a aldea de Brataramundi. Seguimos ascendendo con pausa con vistas sobre Taramundi, o val do regueiro Las Mestas e a Serra de Eiroá (que visitaremos mañá, se Deus quere). Próximos ao cume, as vistas panorámicas son máis amplas: parte occidental do Principado Asturias, Ancares Leoneses, Ibias (Pico Miravalles, xa visitado), a bisbarra de Oscos, Fonsagrada e os picos máis puntiagudos que se corresponden coa parte central e oriental de Asturias.

Ver más external

Comentarios

    Si quieres, puedes o esta ruta