PR-G 79 + tramo PR-G 76, Carballiño - Pazos de Arenteiro - Leiro (carreiros.es)

Os protagonistas desta ruta son os ríos Arenteiro e Avía e a riqueza que dende sempre deixaron ao seu paso, cunhas fértiles ribeiras cheas de vides e polo tanto pobos que amosan as magnÍficas casonas que os señores posuían para a explotación destas riquezas. A nosa camiñata percorre as pontes e os camiños reais que permitían, antigamente, o comercio e a comunicación entre estes pobos. Historia, cultura e natureza únense para amosarnos un anaco daquela antiga Galiza.