PR-G4 Camiño Real de San Pedro de Rocas-Esgos (Ourense)

Preto de Ourense na localidade de Esgos encóntrase a ruta homologada PR-gr 4 Camiño Real San Pedro de Rocas. É unha ruta circular de 9 km. de lonxitude que sae de Esgos e chega ao mosteiro de San Pedro de Rocas a través do Camiño Real volvendo pola aldea de Quinta do Monte. A duración da ruta é de dúas horas e media. Durante toda a ruta encontramos sinais de PR e postes que fan que sexa doado continuar o camiño sen perderse. En punto de inicio da ruta podémolo encontrar en Esgos preto da igrexa, ao lado do centro de saúde hai un sinal que indica o Camiño Real e podemos ver o mapa da ruta gravado nunha táboa de madeira.
Un bonito día, soleado e óptimo para camiñar e visitar Esgos. Unha ruta homologada por Fgm como Pr-g4, perfectamente sinalizada e en moi bo estado. Falamos da terras de Aguiar.
A ruta discorre por unha verea que conserva os seus muros laterais e o empedrado onde poden verse as rodeiras dos carros que transitala antigamente. Este "Camiño Real" constituía un eixe estratéxico como vía de comunicación cara ás terras de Aguiar e Ourense.
Hai que destacar o peto de ánimas de Meiroá, pero sobre todo o mosteiro de San Pedro de Rocas, monumento histórico-artístico fundado no ano 573.
O mosteiro ofrece vistas impresionantes e un gran bosque de coníferas que ascende cara aos picos pedregosos que lle dan nome, orixinados pola actuación dos axentes xeolóxicos sobre este lugar.
O Mosteiro de San Pedro de Rocas está composto por un centro de interpretación e a igrexa, a cal contén tumbas antropomórficas tanto dentro coma fóra. Tamén é moi característico o seu campanario, ao cal podemos subir por unhas escaleiras. Saímos do mosteiro precisamente por debaixo do campanario e aos 100 metros colleremos o desvío cara á fonte de San Bieito.
Nove quilómetros doados por camiños que nos devolven ao pasado, cheos de encanto. Lugar de obrigada visita.