PRG-39 Costa da Morte Camariñas - Camariñas (carreiros.es)

A primeira parte da rota percorre un camiño que vai debuxando a forma da costa. Camiñamos coa vista no mar dun intenso azul turquesa, nos brancos areais e nas rochas con formas caprichosas que semellan esculturas de animais e persoas. Tamén nos acompaña o Faro Vilán case todo o camiño, ata que chegamos a o Cemiterio dos Ingleses, unha lembranza dun dos moitos naufraxios desta Costa da Morte. A volta faise polo interior, pero cunhas estupendas vistas ao mar e ao camiño que xa percorremos anteriormente (o único que estraga esta rota é a entrada a Camariñas por un camiño descoidado e cheo de escombros e lixo, unha pena!) (Yeyi)