Queens Quarters. Belfast monumental route.

Roteiro monumental pola Queen's Quarter ou zona da Queens. Zona que leva o nome da propia universidade, a máis antiga e grande de NI. Ten o seu epicentro no histórico edificio do arquitecto Sir Charles Lanyon, pero é en si un dos verdadeiros centros monumetais da cidade. No lugar atopamos, alén da Universidade, os xardíns de Botanic coa súa histórica Palm House, ou invernadeiro botánico; o Ulster Museum, o maior museo de NI, coa súa impresionante arquitectura a cabalo entre o neoclásico e o brutalismo moderno; a igrexa de Elmwood Hall, hoxe sala de concertos da Queens University e os Methodist College de Belfast e Stranmillis College. A ruta desvíase para divisar as ribeiras do río Lagan, o gran río da cidade e o Ormeau Park, o primeiro parque público de Belfast e un dos grandes pulmóns verdes que caracterizan a urbe.