Río Lérez - Lodeiro (Campo Lameiro)

Esta ruta discorre polas beiras do río Lérez, que está incluido na Rede Natura 2000, a seu paso polo concello de Campo Lameiro e ten o seu comezo na área de lecer de Lodeiro, a carón do refuxio de pescadores de Cutián.
Desde aquí tamén podedes facer a Ruta do río Meneses (2,8 Km, ida) que a súa vez empata coa Ruta do centro de interpretación dos petróglifos de Campo Lameiro (2 Km., ida).
Por sendeiros de pescadores iremos augas abaixo por sitios nos que predomina o bosque de galería con seus amieiros, salgueiros, abeleiras, carballos, freixos e sanguiños.
Tendremos que vadear algúns afluentes como o río Meneses, rego dos Ladróns, rego Moido e rego de Amorín. Ao chegar a altura do núcleo de poboación de Redonde, apartámonos do río Lérez cara a esta aldea, que nos chegamos a pisar, e volvemos por corredoiras con algún treito de carballeiras. Cruzamos de novo o río Amorín buscando novamente as ribeiras do Lérez para retornar ao punto de saída en Lodeiro.