-
-
384 m
92 m
0
2,6
5,2
10,46 km

Vista 3873 veces, descargada 34 veces

preto de Covelo, Galicia (España)

O treito aquí reseñado é unha parte do Roteiro AQA, correspondendo a parte lineal do percorrido (amais hai un trazado circular que pasa pola praia fluvial de Maceira). Está promovido polo concello de Covelo e conta con sinalización.
Ten o seu inicio ao carón do pavillón polideportivo que está no centro de Covelo e deseguido xa nos metemos pola contorna rural por un carreiro que vai ata a aldea de O Mangón. Ao chegar a unha cruz seguimos de fronte por unha carballeira, chegando ao rego de Ponte Piñeiro nunha zona vizosamente arborada e con dous antigos muíños preto da ponte.
Subimos por unha corredoira empedrada entre carballos e muros tapizados pola verde carriza cara a Gorgullón e ao chegar a unha almiña faremos un pequeno desvío para ver a capela de San Bieito de Pazos. Retomamos o noso camiño e nos internamos nunha área de monte baixo, ata chegar a Lourido. Aquí pérdense as marcas de sendeiro e procuraremos o punto alto da aldea, onde está a ermida da Nosa Señora da Escravitude.
Agora temos que baixar para continuar polo camiño que nos leva ata os ben conservados pasos de Lourido. Por estas poldras pasamos a outra beira do río Tea e deixando atrás unha cruz nos situamos na área de lecer de Redondo, onde están a capela de San Xosé e unha antiga escola unitaria.
Este treito entre Lourido e Redondo é común ao percorrido circular do Roteiro AQA.
O seguinte será pasar polo cruceiro de Pedrafurada e logo continuar por Redondo, con súas antigas casas de pedra. Abandonamos a aldea e nos mergulamos entre frondosas pola ribeira do río Caraño, que atravesaremos pola antiga ponte de Portofurado. Aquí, e ao carón dun área de lecer, atoparemos catro muíños restaurados.
Desde este punto a ruta que propoño xa non coincide coa oficial xa que fuximos da estrada e o que faremos será seguir por corredoiras que asoman ao val do río Alén, ata chegar a igrexa de San Martiño e a reitoral de Barciademera, con súa impoñente portada barroca.
Subimos finalmente para rematar o noso percorrido na praciña de Barciademera.
05-NOV-11 14:41:55
01-NOV-11 15:29:55
01-NOV-11 13:55:25
01-NOV-11 13:52:15
05-NOV-11 10:56:44
05-NOV-11 11:17:28
01-NOV-11 15:22:13
01-NOV-11 14:39:37
01-NOV-11 15:37:10
01-NOV-11 13:48:02
05-NOV-11 10:42:17
05-NOV-11 13:42:28
01-NOV-11 15:15:30
05-NOV-11 10:54:26
05-NOV-11 11:04:35
05-NOV-11 14:42:34
01-NOV-11 15:26:17
01-NOV-11 14:41:22
05-NOV-11 14:19:57
05-NOV-11 11:21:16
05-NOV-11 10:45:38
05-NOV-11 13:58:05
05-NOV-11 14:16:49
05-NOV-11 14:37:19
05-NOV-11 12:27:51

Comentarios

    Si quieres, puedes o esta ruta