Roteiro Circular Hórreos Olás

Saímos do conxunto de hórreos de Olás en dirección á Fonte da Lama para seguidamente iniciar o ascenso cara a Fonte dos Ollos, unha vez na cima, ben podemos ir á dereita en dirección ó Miradoiro da Malladoira ou ben á esquerda seguindo o Roteiro da Broa, con calquera das dúas opcións acabaremos no pobo de Oxén de Arriba para coller o camiño que nos leva ó Campo Grande ata cruzarnos coa Verea Vella, onde xiraremos á dereita en dirección ó pobo de Oxén de Abaixo.

Continuaremos pola Verea Vella ata chegar á Ponte da Quebrada nas inmediacións do pobo de Alvarín e xusto antes de cruzar xiraremos á dereita para tras discorrer un intre por uns carreiros entroncar cunha pista que discorre paralela ó Regato de Fechiñas e que nos levará directamente ó pobo de Pazos de Olás, no que continuaremos cara a aldea da Medorra onde continuaremos por unha pista asfaltada ata cruzar a estrada que vai de Pazos á Pontefechas e así entroncar con outra pista de terra na que posteriormente xiraremos á dereita para dirixirnos ó pobo de Campos.

Cruzaremos o pobo de Campos e colleremos cara a dereita por unha pista que nos conducirá a estrada OU-0205 (Corvillón - Corredoira), despois de facer un pequeno tramo por dita estrada xiraremos á esquerda por un camiño que nos leverá ata o pobo de Entrambosríos onde nos encamiñaremos cara ó Campo da Festa para coller de novo o Roteiro da Broa e chegar a Olás, punto de inicio da ruta