RUTA DA FRAGA SAN XOAN De RIO

Nesta ruta empezamos en San Xoan de Rio e fomos ata Mouruás por fragas moi bonitas, despois voltamos por estrada con pouco tránsito.

Pasamos uns días aloxados na Casa Rural os Trintas, preto de Pobra de Trives, quedamos moi contentos das instalacións e do trato recibido

Descrición da ruta feita polo concello de San Xoan de Rio:
A ruta da Fraga de San Xoán de Río

Sen dúbida, a Fraga de San Xoán de Río constitúe un dos paraxes de máis interese, non só do concello, senón de toda Galicia. Dita maravilla natural atópase na parroquia de San Xoán de Río e pertence á comarca de Terras de Trives. Alcanza unha superficie de 116.52 ha de superficie, habitadas na súa totalidade por especies nobres. Para disfrute da mesma vese atravesada por unha ruta ben sinalizada que sae de Mouruás en dirección a San Xoán de Río, practicable tanto a pé coma en bicicleta ou cabalo. Ese dous son os pricipais puntos de acceso á Fraga, perfectamente sinalizados e con paneis indicativos. Outros sendiros da fraga teñen entrada por Reboledo, Domecelle, San Xoán de Río e San Miguel.



fondo1

Os soutos inmensos e centenarios, as oníricas fervenzas de Pintasilva, os regatos sinuosos, as múltiples cores, os trasnos agochados que xogan a falar baixo das ponlas. Isto todo e máis é o que poderemos atopar se decidimos pasear a carón do feitizo máis abraiante e engaiolante da natureza, descubrindo as máis diversas formacións naturais e cun altísimo valor paisaxístico.

Para maior disfrute e coñecemento sobre a Fraga, atopamos, consugado co propio roteiro, unha Aula de Natureza, esperiencia pioneira na nosa comunidade, que non só fomentará e potenciará os valores naturais da comarca, senón que tamén creará de frma dinámica actividades de compromiso, respeto e integración no contorno e no medio naural.