RUTA DAS BURGAS - GOZA DO ULLA 2014

Andaina que une os dous mananciais de augas de tipo sulfuradas – cloruradas e sódicas do Concello de Teo, as Burgas da Laña e Xermeade, de gran sona na comarca polas súas propiedades curativas. Dende a aldea da Laña, na parroquia de Oza, camiñaremos por un treito da Ruta da Batalla de Cacheiras ata o igrexario de Bamonde. Dende alí atravesaremos a antiga Devesa Real de Coto e achegarémonos pola beira do rego Pereiro á ponte da Dorna e o río Ulla. No último treito visitaremos o curioso petróglifo de Mallos para rematar na área de lecer da Burga de Xermeade.
Ruta deseñada polo departamento de Deportes do Concello de Teo que atravesa as parroquias do Leste e Sur do Concello, incluída no programa de Sendeirismo "Goza do Ulla 2014".