Ruta das Fontes (Xeve - Pontevedra)

Esta ruta está incluida na rede comarcal de sendeiros de Pontevedra e, aínda que está sinalizada, o marcaxe nalgúns puntos é deficiente polo que será mellor que uses o track do GPS. De calquer xeito podes facela sen o aparello prestando atención a indicacións que seguen.
Comezamos a nosa andaina en Sobral, na capela de San Roque, collendo pola pista que vai por debaixo do palco da música. Pasamos un lavadoiro e ao chegar a un muro de pedra seguimos hacia arriba polo monte. Empezamos a baixada e deixamos atrás unha fonte e un muíño no rego Retorteiro e ao acadar a estrada PO-223, cruzámola e imos por unha corredoira paralela pola parte de abaixo.
Logo dunha área de lecer, cruzamos de novo a estrada a altura dun pequeno bar, andamos agora paralelos a PO-223 pero pola parte de arriba. Outra vez cruzamos e estrada e por unha pequena corredoira nos situamos en Fragoso.
Outras dúas fontes nos agardan e logo o barrio de Outeiro do Año con súa carballeira, que atravesamos. Vadeamos un rego e logo outro máis e aquí hai que seguir paralelos ao rego pola súa marxe dereita ou tamén por unha corredoria que vai uns metros máis arriba. Baixamos un camiño e metémonos a dereita por unha fermosa corredoira empedrada que nos conducirá ata Filgueira. Desde aquí facemos un desvío que nuns novecentos metros nos achega a beira do río Lérez (o chegar a bifurcación collede a dereita).
Volvemos a Filgueira e máis adiante temos outro desvío opcional de douscentos metros para ver a igrexa de Santo André de Xeve (séc. XVIII) e un viacruis. De novo proseguimos nosa ruta e atopamos outra fonte e outra área de lecer ao carón da estrada PO-223, que atravesamos e logo de uns trescentos metros hai que desviarse a dereita pero non polo camiño de terra, senón por un carreiro moi pouco definido (hai unha marca nun pequeno piñeiro). E máis atención porque logo de chegar a un camiño, a uns cincuenta metros, abandonámolo e metémonos a dereita por outro carroucho que nos leva baixando a unhas casas na Escusa.
Agora unha corredoira nos conduce a unha carballeira e sen desviarnos, sempre de fronte, chegamos ao punto de remate e comezo na capela de San Roque.