Tempo  unha hora 12 minutos

Coordenadas 960

Fecha de subida 17 de marzo de 2016

Fecha de realización marzo 2016

-
-
756 m
394 m
0
2,8
5,6
11,24 km

Vista 2011 veces, descargada 77 veces

preto de Vilamor, Galicia (España)

Este roteiro sinalizado é un dos clásicos da Serra do Courel, estando agora en proceso de homologación coa referencia PR-G 223.

Lemos na cartelería informativa da andaina:

"Para comezar esta ruta prantéxanse tres posibilidades, podéndose escoller calquera dos tres puntos de inicio previstos e que se situaron nas aldeas de Vilar, Vilamor e Froxán.
Neste caso a ruta parte da aldea de Vilamor, comezando cunha baixada zigzagueante que nos achega, atravesando zonas de souto e de carballeira, até o río Lor, a carón da ponte da Rastradeira ou de Vilar. Segundo imos descendendo, podemos gozar de vistas de grande interese, coma o souto e o castro de Vilar, situado na ladeira oposta, ou a conca do río Lor, que se constitúe no eixe vertebrador do Courel e tamén da propia ruta.

Unha vez cruzada a ponte, a ruta comeza a ascender cara a aldea de Vilar, atravesando o souto e gozando tamén de fermosas vistas da conca do río Lor, e unha vez chegados a Vilar, podemos contemplar a arquitectura popular que o caracteriza e unha boa mostra da cultura rural destas terras a través do museo etnográfico de Juan. Por último poderemos repousar un pouco a carón da fonte da Saúde e refrescarnos coas súas augas antes de proseguir.

Continuamos o camiño cara a Froxán, cruzando de novo parte do souto de Vilar e cun pequeno desvío achegámonos a capela de San Roque e o castro de Vilar e agora descendemos a procura do río Lor. Neste percorrido atravesaremos o piñeiral de Abraído e poderemos contemplar diferentes vistas da conca do río Lor, do plantío de castiñeiros e, unha vez cruzado o río pola ponte do Bao, atravesar unha zona onde destacan as cuantiosas sobreiras que, mezcladas con castiñeiros, lle proporcionan un carácter particular á paisaxe, rematando este treito coa chegada a fermosa aldea de Froxán, onde podemos contemplar como as actuacións de restauración que se realizaron lle aportaron un grande interese e podemos repousar a carón da fonte do Milagro.

No derradeiro tramo percorreremos a distancia que separa as aldeas de Froxán e Vilamor, gozando de novo das fermosas vistas da conca do río Lor, e na ladeira oposta , do piñeiral de Abraído, do souto e o castro de Vilar. Rematamos ruta chegando a Vilamor, onde contemplaremos a súa arquitectura popular e a igrexa de San Vicente, que é, sen dúbida, unha das máis fermosas do Courel."

Ver más external

foto

Albariza

Recinto para protexer as colmeas.
foto

Campo da festa

Recinto no que se facía a festa na aldea de Vilar.
Arquitectura religiosa

Capela San Roque

Ermida na aldea de Vilar.
foto

Carreiro

Sendeiro entre castiñeiros na aldea de Vilar.
Sitio arqueolóxico

Castro de Vilar

Antigo asentamento fortificado na aldea de Vilar.
Waypoint

Comezo Vilamor

Punto de inicio do roteiro, na aldea de Vilamor.
foto

Congostra

Corredoira baixando de Vilarmor cara ao río Lor.
foto

Corredoira

Congostra en Froxán.
fuente

Fonte da Saude

Fonte de auga potable na aldea de Vilar.
fuente

Fonte dos Milagros

Fonte de auga potable na aldea de Froxán.
foto

Froxan

Aldea na Serra do Courel.
fuente

Lavadoiro

Lavadoiro con fonte de auga potable na aldea de Vilamor.
Museo

Museo

Museo etnográfico particular, na aldea de Vilar.
árbol

Piñeiral

Bosque de piñeiros entre Froxán e Vilamor.
árbol

Piñeiral de Abraido

Bosque de piñeiros na aldea de Vilar.
Ponte

Ponte do Bao

Ponte que cruza o río Lor. Entre Vilar e Froxán.
Ponte

Ponte Rastradeira

Ponte sobre o Lor, tamén chamado ponte de Vilar.
Río

Rio Lor

Discorre pola Serra do Courel e desemboca no río Sil.
foto

Sendeiro

Carreiro no piñeiral de Abraído.
árbol

Sobreiral de Froxan

Pequeno bosquete de Sobreiras en Froxán.
árbol

Souto 1

Bosque de castiñeiros en Vilamor.
árbol

Souto 2

Bosque de castiñeiros na aldea de Vilar.
árbol

Souto 3

Bosque de castiñeiros en Vilamor.
árbol

Souto de Vilar

Bosque de castiñeiros na aldea de Vilar.
Arquitectura religiosa

Via Crucis

Vía Crucis a capela de San Roque, en Vilar.
foto

Vilamor

Aldea na Serra do Courel.
foto

Vilar

Aldea na Serra do Courel.

Comentarios

    Si quieres, puedes o esta ruta