Ruta do río Eifonso (PR-G 5)

Sinxela ruta nos arredores de Vigo, co acceso dende a estrada que comunica as parroquias de Bembrive e Beade, no lugar de Mourelle (Bembrive). A ruta está sinalizada nos primeiros 3,5 km e a primeira parte, dous quilómetros até a capela dos Ramallos ou de san Cibrán, paga a pena unha visita: varios muíños rehabilitados (o da Pedrosa en funcionamento), a fervenza de Bouzafría, que sempre leva caudal mais que en época de chuvias é espectacular, o camiño doado á beira do río, practicamente sen desnivel agás un par de tramos de escaleiras.
A ruta é algo máis esixente a partir da capela dos Ramallos, na que unha fonte. Ao pouco, o camiño pasa preto do muíño da Quebrada ou de Calderón e do serradoiro hidráulico e logo, xa en camiño máis ascendente, chega ao poboado medieval da Fraga, con casas que estiveron habitadas ata comezos do século XX.
Se continuamos a ascensión, poderemos gozar dunha boa panorámica de Vigo e da ría dende o parque forestal de Beade e remataremos a subida nunha antena que é ben visíbel dende a cidade de Vigo.
A ruta sinalizada remata no antigo poboado da Fraga, onde podemos observar as ruínas de varias edificacións. Se continuamos a ascensión, chegamos ao parque forestal de Beade, cunha panorámica estupenda sobre a ría, aínda que eu pillei algo de néboa. Un pequeno esforzo e chegamos a unha antena que resulta ben visíbel dende boa parte da cidade de Vigo.