San Vicente do Mar

Saída e chegada en Pedras Negras. Empezamos a camiñar por unhas pasarelas de madeira pola veira da ría , ata as inmediacións da antiga zona militar de Artillería, totalmente cercada e valada con arames de pico que imposibilitan a entrada o recinto, pero que se pode bordear sen complicacións por carreiros que están pisados polo paso dos camiñantes, aínda que pronto alguén ten que proceder a unha boa limpeza para que podamos continuar coas nosas andainas. Esta rota mestura a beleza do mar, das praias do paisaxe e tamén do rural, posto que o regreso facémolo polo interior pasando por sendeiros que transcorren polo medio das veigas, moitas delas traballadas para plantar millo e outros cereais, e moitas outras con abundantes herbas que medran nesta época do ano, todas elas moi cerca de lugares con bonitas edificacións, a maioría de pedra.

En algún lugar de esta andaina nos encontramos con marcas e sinales que nos indican que estamos nas rotas dos pequenos recorridos que existen por onde nos pasamos (PRG 115 e PRG 116) dos cales temos información no enlace que acompaño. Para min e unha rota fácil de facer e moi bonita.
Tempo total: 4 horas e 17 minutos
http://www.turismogrove.es/docs/t1.pdf