Sendeiro da Costa da Vela (Hío, Cangas). Cabo Home

A Costa da Vela é un espazo natural que tanto polo paradisíaco aspecto das súas praias, miradores e acantilados, como polas numerosas especies que agocha, está declarado Lugar de Interés Comunitario (LIC).
O Monte O Facho atópase ás aforas da aldea de Donón. O primeiro que atopas é un pequeno aparcadoiro, un chiringuito e un mirador cunha xigantesca escultura en forma de caracola, realizada en aceiro inoxidable. Desde aquí hai unhas vistas espectaculares.
Seguindo o sendeiro sen asfaltar que di "miradores", podes subir á cima do Monte O Facho (30 minutos), desde onde hai vistas dos acantilados, as entradas das rías de Vigo e Pontevedra, e as illas Cíes e Ons.
Desde o mirador, outro sendeiro, estreito e sen asfaltar, descende ata Cabo Home e a praia de Melide. Vai bordeando a Costa da Vela, cunhas vistas impresionantes dos seus acantilados contra os que choca o mar embravecido, formando unha escuma branca que contrasta co azul do océano Atlántico.
Despois recorres un piñeiral, segues avanzando e cando chega ao seu fin está Cabo Home con dúas puntas, e en frente, as Illas Cíes.
En cada punta do cabo hai sendos faros, un de cor blanco e outro vermello. Hai que seguir descendendo ata Melide, situada entre ambos faros, e contemplar os acantilados desde outra perspectiva, desde abaixo. Desde o faro vermello, outro sendeiro bordea recorrendo tres bonitas praias cun importante complexo dunar: Barra, Viñó e Nerga.