Sendeiro Local de Valladares (Vigo)

Deste sendeiro local sinalizado pódense salientar como puntos de máis interese o coidado parque forestal do Monte dos Pozos e máis as engaloiantes vistas panorámicas sobre a Ría de Vigo desde os cumios dos montes Alba -onde hai unha capela- e Cepudo. O percorrido mesmo, ao meu parecer, non ten moito interese ao transcorrer por zonas de monte degradado, con prantacións de eucalipto ou brotes que medran sen control e por riba con algún atranco no camiño con árbores caídas (en novembro de 2019).

Na páxina web , lese:

“O Sendeiro Local de Valladares pódese principiar tanto no Parque Forestal de Monte dos Pozos como no Monte Alba, dada a súa confguración circular. No seu transcorrer permite contemplar a extensa superfcie da Comunidade de Montes de Valladares, incluído o Monte Cepudo, así como os montes limítrofes (Galiñeiro, montes de Coruxo, etc.), interesantes perspectivas tanto da cidade de Vigo como de Nigrán e unha parte da senda das esculturas. A Comunidade de Montes de Valladares foi unha das grandes afectadas polos lumes de outubro de 2017 e nestes momentos a fsionomía do territorio que atravesa o sendeiro está nun proceso de reforestación que tardará o seu tempo en consolidarse. Resulta alentador comprobar como neste proceso, ao igual que noutras comunidades afectadas, están a colaborar un importante número de colectivos e centros educativos, o que pón de manifesto como a ola de solidariedade existente nun primeiro momento persiste no tempo.”