Tempo  4 horas 41 minutos

Coordenadas 796

Fecha de subida 21 de noviembre de 2018

Fecha de realización noviembre 2018

-
-
762 m
600 m
0
1,9
3,9
7,7 km

Vista 410 veces, descargada 19 veces

preto de Manzaneda, Galicia (España)

Manzaneda é un dos concellos galegos con maior interese natural, estando o 96% da súa superficie baixo algún tipo de protección natural e entre estos espazos atópase o Monumento Natural Souto de Rozavales.

O lugar de Rozavales -ou Rozabales, con b, que aquí hai discrepancia- pertence a parroquia de San Martiño de Arriba e o seu souto conta con carballos que din teñen máis de mil anos, sendo a súa alfaia un exemplar cun diámetro no tronco de 13,85 m, que vén sendo o castiñeiro de maior circunferencia de Galicia: o Castiñeiro de Pumbariños, que está incluído no Catálogo de Árbores Senlleiras de Galicia.

O noso roteiro parte da praciña que hai a entrada de Manzaneda e sae pola parte baixa do concello para logo ir subindo cara ao souto e volver ao centro, que visitamos con tempo xa que Manzaneda conta cun pasado medieval.

A muralla e a fortaleza son do século XII, aproximadamente. No século XIV os seus propietarios eran os Condes de Lemos. Coa revolta Irmandiña foron derruídas as defensas e reconstruíronse posteriormente pasando no século XVI á xurisdicción dos Condes de Ribadavia, manténdose no seu poder ata a desaparición dos señoríos no século XIX.

Aínda presente non só nos seus vestixios senón na estructura urbana da vila que conserva a disposición característica da súa muralla exterior, cuns 400 m de lonxitude, dos que actualmente consérvanse sobre 100 m, con 10 m de altura nalgún punto. Permanece en bo estado a chamada Porta da Vila e varios contrafortes da muralla. Ademais contaba coa Porta de Abaixo, da que só queda un lateral, e a Porta Falsa que despareceu.

O castelo ou casa-fortaleza conformaba outro recinto fortificado a marxe da liña de muralla e dél quedan algún muro e tres troneiras. Poderemos ver tamén o antigo cárcere do século XVI e a casa señorial Torre dos Barcia.

Asemesmo ao longo do recorrido veremos as casas grandes Casa de Arias e Casa da Pena e o mosteiro e igrexa de San Salvador de orixe románica, do século XII e que ten un campanario-torre defensivo.

Ver más external

Camiño entre soutos saíndo de Manzaneda.
Camiño na paraxe de O Soutiño.
Camiño preto do centro de Manzaneda.
Antigo cárcere do século XVI construido polos condes de Ribadavia.
Pazo en Manzaneda adicado a aloxamento rural.
Casa señorial en Manzaneda.
Restos do castelo do século XII, no centro de Manzaneda.
Castiñeiro monumental de 13,85 metros de diámetro. Está no Catálogo de Árbores Senlleiras de Galicia.
Punto de inicio do roteiro no centro de Manzaneda.
Igrexa parroquial de Manzaneda.
Mosteiro románico do século XII en Sobrado.
Pasadizo na rúa do Medio.
Pasarela de madeira sobre un pequeno rego afluente do río San Lázaro.
Porta de entrada ao recinto medieval amurallado de Manzaneda.
Pequeno afluente do río San Lázaro.
Tributario do río Bibei.
Afluente do río Bibei.
Construción para o secado das castañas.
Lugar no concello de Manzaneda. Conta cun mosteiro do século XII.
Bosque de castiñeiros.
Bosque de casstiñeiros no lugar de Rozavales, Manzaneda. Declarado Monumento Natural.
Casa señorial no casco medieval de Manzaneda.
Plantación de viña nas aforas de Manzaneda.

Comentarios

    Si quieres, puedes o esta ruta