Vilarchan-Almofrei-Pe-da-Múa-Sequoias-Buchabade

Iniciamos esta ruta na Área Recreativa de As Cerqueiras, en Vilarchán, un frío día de xaneiro. Tomamos dirección hacia Contixe e Mirón, donde pasamos á beira do seu coñecido acueducto, que merece un adecentamento. A obra consérvase ben, pero os ladrillos engadidos, deslucen o conxunto.
Andamos por unha pista asfaltada que leva a Borela, pero deixámola para coller dirección Norte e chegar á ponte medieval de Almofrei. Alí admiramos o entorno, a ponte parece xogar ao equilibrio sobre os penedos.
Desandamos un pouco o camiño e deseguida empezamos a ascender pola ladeira norte destes montes do Pé da Múa. Ascendemos á caseta de vixiancia do Alto da Castrelada, situada a uns 620 s.n.m sobre un promontorio cónico. Desde o miradoiro pódense contemplar as rías de Arousa, Pontevedra e Vigo.
Descendemos e collemos, a certa distancia, a marxe dereita do Rego San Vicenzo. Imos bordeando pola cara sur unha serie de alturas que tamén sobrepasan os 600 m de altura (Coto Agudo, Coto dos Infernos, etc.).
Desviámonos á dereita para subir a Costa do Bechos e logo coller dirección oeste ata chegar ao Campo de Roxas, donde se atopa a plantación de sequoias.
Xa desde alí, en baixada suave, chegamos á Área Recreativa de As Cerqueiras, poñendo remate a esta bonita ruta.
Data de realización: 4/01/2021